Башкирская певица Анжелика Якусева вышла замуж в Италии

Анжелика Якусева яңы бәхеткә юл ала

Башҡортостандан сыҡҡан йәш йырсы Анжелика Якусева сит илдә тормош ҡороп, ижад менән шөғөлләнә. Күптәр уны моңло тауышы һәм сағыу тышҡы ҡиәфәте буйынса хәтерләй. Күптән түгел Италияла, Комо күле янында уның туйы үтте. Анжелика кейәүгә сыҡты. Йырсының шәхси тормошондағы был ваҡиға уның ижады менән бер рәттән, йәмәғәтселектең иғтибарын йәлеп итте.

Анжелика Якусеваның биографияһы бай. Ул Рәми Ғарипов исемендәге 1-се Башҡорт республика гимназия-интернатында, Өфө дәүләт нефть техник университетында белем алған. Артабан уҡыуын Лондондағы Sotheby’s institute of art вузында дауам иткән. 18 йәшенән сәхнәлә йырлай башлаған. Шулай уҡ ул төрлө матурлыҡ конкурстарында, шул иҫәптән «Һылыуҡай», «Краса России-2015», «Top-model of the world» бәйгеләрендә ҡатнашҡан. «Топ-модель по-русски» проектында ҡатнашыуы уға киң танылыу килтергән.

Һуңғы йылдарҙа Анжелика Таланттар визаһы буйынса АҠШ-тың Майами ҡалаһында йәшәй. Бында ул әүҙем ижади тормош алып бара: яңы йырҙар яҙҙыра, рәсем сәнғәте менән шөғөлләнә, модель булып эшләй. Уның күп яҡлы таланты һәм сит илдәге уңыштары яҡташтары өсөн ғорурлыҡ сығанағы булып тора. Йәш ғаиләгә бәхет һәм уңыштар теләйбеҙ.