Татар җырчысы онкология диагнозын Алла сынавы дип кабул итә

Күңелдәге сынаулар аша узу

Җырчы сәламәтлеге белән җитди проблемалар кичергән, хәтта хастаханәдә дә дәваланган. Шуңа карамастан, ул рухын төшермәгән, бу хәлне Аллаһы Тәгалә тарафыннан бирелгән сынау дип кабул иткән. Бу хакта ул Күңел радиосының туры эфирында сөйләгән.

Җырчы аңлатуынча, кеше тормышында авырлыклар була. Аларның эше иртән башланып, кич бетүче гади эш түгел. Гастрольләрдә йокы туймый, даими стресс һәм нерв киеренкелеге бар. Концертлар вакытында төрле проблемалар килеп чыга. Тыштан алар елмаеп, ялтырап күренсә дә, матур костюмнар киеп, чит ил машиналарында йөрсә дә, шәхси тормышта да авырлыклар җитәрлек. Җырчы үзен бик эмоциональ кеше дип атады. Ул онкологиянең үзеннән-үзе барлыкка килмәвенә ышана һәм моның өчен үзен гаепли, бәлки, кемнедер рәнҗеткәндер дип уйлый.

Әгәр дә берәрсен үпкәләткән булсам, барысы алдында әйтәм: «Мине гафу итегез». Аллаһка шөкер, «доброкачественная» дигәч, күздән яшьләр акты инде. Бер-беребезгә үпкә тотмыйча, ярдәм итешеп яшәргә кирәк. Бөтен әйбер үзеңнән тора. Гел позитив булырга кирәк, - дип өстәде артист.

Ул кешеләрне бер-берсенә ярдәм итеп, позитив булып яшәргә чакырды.